Əziz və dəyərli oxucularımız bildiyimiz kimi İslam dinində Həzrət Mühəmməd (s)-ın peyğəmbərliyə məbus olduğu gün Məbəs bayramı adı ilə qeyd olunur. Bu müqəddəs gündə Allah-təala Həzrəti Peyğəmbərimiz (s)-a "Ələq” surəsinin ilk ayəsini Cəbrail mələk vasitəsilə nazil edərək buyurmuşdur: "Ya Mühəmməd, oxu!” Həzrət (s) mələyə nə oxuyum dedikdə Cəbrail buyurdu: "İqrə bismi rəbbikə...” Yəni öz rəbbinin adı ilə oxu.
Bu böyük bayram münasibətilə bütün iman əhlini səmimi qəlbdən təbrik edir və əziz İslam Peyğəmbərinin (s) məbus olunmasının əsas qayəsi olan - yüksək və ali əxlaqlara yiyələnməyi Uca Allahdan diləyir. Eyni zamanda, mübarək Rəcəb ayının son günlərinin və qarşıdan gələn mübarək Şaban ayının fəzilətlərindən bəhrələnmək tofiqini Mütəal Allahdan istəyirik. İnşəallah, Rəsulullaha (s) və onun pak Əhli-Beytinə (ə) layiq ümmət olmağımızı arzu edir və əziz Qarabağımızın və Qüdsümüzün də yağı düşmən - daşnak və sionist tapdağından qurtulması üçün Uca Allaha dualar edirik.