Ramazan ayının 27-ci gününün duasının təfsiri
Allahın adı ilə
Ramazan ayının 27-ci günün duası
اللَّهُمَّ ارْزُقْنِي فِيهِ فَضْلَ لَيْلَةِ الْقَدْرِ وَ صَيِّرْ أُمُورِي فِيهِ مِنَ الْعُسْرِ إِلَى الْيُسْرِ وَ اقْبَلْ مَعَاذِيرِي وَ حُطَّ عَنِّيَ الذَّنْبَ وَ الْوِزْرَ يَا رَءُوفا بِعِبَادِهِ الصَّالِحِينَ
Duanın oxunuşu:
Əllahummərzuqni fihi fəzlə ləylətil qədr, və səyyir umuri fihi minəl usri iləl yusr, vəqbəl məaziyri və huttə ənniz zənbə vəl vizr, ya rəufən biibadihis salihin.
Duanın tərcüməsi:
İlahi, bu gün “qədr” gecəsinin fəzilətini mənə nəsib et, bütün çətinliklərimi asanlaşdır, mənim üzrlərimi qəbul et, günahlarımı təmizlə və çirkin əməllərin ağırlığından mənə nicat ver. Ey saleh bəndələrə mehriban olan Allah!
Ramazan ayının 27-ci gününün duasının təfsiri
"İlahi, Qədr gecəsinin fəzilətini mənə nəsib elə"
Bəziləri bu duaya əsasən bu gecənin, yəni Ramazan ayının 27-ci gecəsinin Qədr gecəsi olduğunu bildiriblər. Ümumiyyətlə Qədr gecəsinin dəqiq nə vaxt olduğu barədə ixtilaf var. Hətta Nimeyi-Şəbanın Qədr gecəsi olduğunu, yaxud Fitr bayramı gecəsinin Qədr gecəsi olduğunu bildirənlər var. Allah övliyalarından bəziləri il boyu əhya saxlayıblar ki, Qədr gecəsinin fəzilətini əldə eləsinlər. Əhli-sünnət bu gecəni əsas bilir. Amma biz şiələr 19-cu, 21-ci və 23-cü gecəni Qədr gecəsi olduğunu ehtimal edirik. Ən əsasda 23-cü gecəni. Çünki həmin gecənin əməllərində elə əməllər var ki, digər gecələrdə yoxdur. Məsələn digər gecələrdə 1 qüsl almaq müstəhəbdirsə, 23-cü gecə 2 qüsl alırıq. Bir gecənin əvəlli, bir də sonu. Amma əvvəllər bu gecəni də əhya saxlayardılar. Amma gecənin əvvəlini, tam yox. Hər halda Allahdan istəyirik bizə Qədr gecəcəsinin savabını versin. Mələklər Allahın iznilə nazil olar buyurur Quran. Amma nazil olur və qəlbimizdə boş yer tapmır və ora daxil ola bilmir. Dünya məhəbbəti, övlad məhəbbəti və ya başqa şeylərin əlindən boş yer tapa bilmir. Eynilə təyyarə aeroporta gəlir, amma orda yer olmadığını bildirirıər və havada bir az dövrə vururlar. Mələklər də gəlib yer tapa bilmir, səhər isə qayıdıb gedirlər.
"İşlərimi çətinlilıərdən asanlığa doğru yönəlt".
Hamımız giriftarıq bu dünyada. Hərənin bir problemi var. Birinin borcu var, o birinin ailə üzvlərindən kimsə yaxşı, mömin adam deyil, yaxud qonusundan əziyyət çəkir və sairə. Allahdan istəyirik bütün çətinliklərimizi asanlığa doğru yönəltsin.
"Üzrlərimi qəbul elə"
Hamımızın pis əməlləri var. Allahdan istəyək ki, bu səhvlərimizi bağışlasın. Allaha deyək bağışla, bilməmişəm, anlamamışam. Necə valideyn ağlayaraq üzr istəyən balasını ağuşuna alar, dəfələrlə onlardan mehriban olan Allah da biz üzr istədikdə bizi öz ağuşuna alar.
"Günah yükümü üzərimdən götür"
Yəni günahlarımı bağışla, məhv et. Əməl dəftərimdə heç bir etdiyim günah qalmasın. Sonra Allaha and verərək dualarımızn qəbul olması üçün deyirik
"Ey saleh bəndələrinə mehriban olan"
Allah çox mehribandır bındələrinə qarşı. Hətta günahkarlar olub ki, bir dəfə sidq ürəklə Allahdan bağışlanmaq istəyiblər, Allah onları bağışlayıb. Allahdan istəyirik bizim bu gün etdiyimz duaları bizdən qəbul eləsin.
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın