Hər əsrin, ilin hər günü hər anı Əlidir!
Çərxi-fələkin dövr ilə dövranı Əlidir!
Cahillər olub aşiqi dünyanın əzəldən
Aşiq eliyən hüsnünə dünyanı Əlidir!
Dünyanı tamamən tuta zülmət, yolun azmaz,
Aləmdə əgər hər kimin ünvanı Əlidir!
Allahı unutmuş ola kim xəstədi qəlbi
Bir nüsxəni yazmış ona dərmanı Əlidir!
Tə'n etmə Peyğəmbər yox Əlidən yapışıbsan,
Peyğəmbərin Allah buyurub canı Əlidir!
Nə versə səxavətdi, nəyi alsa ədalət
Həqqin dəyəri, qiyməti, mizanı Əlidir!
Allahını gördü, deməmiş "Rəbbi ərini"
Heyrətdə qoyan Həzrəti Musanı Əlidir!
Heç saili qoymaz ki, utansın əlin açsın
Sail qapısında verən ehsanı Əlidir!
Dağlar belə bu Xilqətə baş əydirə bilməz,
Dünyada da, üqbada da sultanı Əlidir!
* Şair: Seyyid Xilqət Şağlaseri
Şərh yazın