İmanın ən möhkəm dəstəyi nədir?
Şagirdlərdən heç biri möhtərəm müəllimin irəli sürdüyü sualı düzgün cavablandırmadı. Hərə bir cavab versə də, qəbul edilmədi. O böyük müəllimin, yəni Peyğəmbəri-Əkrəmin (s) öz səhabələrinə verdiyi sual belə idi:
أىُّ عُرَى الایمانِ أوثَقُ؟
“İmanın ən möhkəm dəstəyi nədir?”
Səhabələrin hərəsi bir cür cavab verdi:
فَقالُوا: اَللّه ُ ورَسُولُهُ أعْلَم، وقال بَعضُهُم: الصَّلاةُ وَقالَ بعضُهُم: الزَّکاةُ وَقال بَعضُهُم: الصِّیامُ وَقال بَعضُهُم: الحجُّ وَالعُمْرَةُ وَقال بَعضُهُم: الجهاد،
“Bəziləri “Allah və Onun Rəsulu daha yaxşı bilir”, bəziləri “namaz”, bəziləri “zəkat”, bəziləri “oruc”, bəziləri “həcc və ümrə”, bəziləri isə “cihad” deyə dilləndi.”
Lakin Peyğəmbəri-Əkrəm (s) onların cavabında “xeyr” deyərək cavabların doğru olmadığını söylədi.
Sonda səhabələr tərəfindən istənilən doğru cavab verilmədikdə, Həzrət özü buyurdu:
لِکُلِّ ما قُلتُم فَضْلٌ وَلَیْسَ بِهِ، ولکِنِّ أوثَقُ عُرَى الإیمانِ اَلحُبُّ فِى اللّه ِ وَالْبُغْضُ فِى اللّه ِ وَتَوالى اَوْلیاءِاللّه ِ والتَّبَّرى مِن أعداءِ اللّه ِ؛
“Bu dediklərinizin hamısı dəyər və fəzilətdir. Lakin heç biri doğru cavab deyil. İmanın ən möhkəm dəstəyi Allaha xatir sevmək və Allaha xatir nifrət bəsləmək, Allaha xatir Allah dostları ilə dost olmaq və Allaha xatir Allah düşmənləri ilə düşmən olmaqdır.”
(“Kafi”, 2-ci cild, səh.125, hədis.6.)
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın