Duanın insana verdiyi 3 tərbiyəvi xüsusiyyət
Dua elə ibadətlərdəndir ki, tərbiyəvi xüsusiyətlərə malikdir. Belə ki, dua:
1. İnsan qəlbində ümid nuru yaradar. Ümidsiz insan ölü kimidir. Xəstə insan əgər sağalacağına ümid bəsləyərsə, tez bir zamanda sağala bilər. Əgər əksinə - məyus olarsa, ümid çırağı qəlbində sönər. Ona görə də sağalması çətinləşər. Bu səbəbdən deyirlər ki, əgər müharibədə qalib gəlmək istəyirsinizsə, əsgərlərin qələbəyə olan ümidini artırın.
Dua edən insanın ümidi həmişə Allaha olar. Hər kim Allaha üz tutsa və ümidi ancaq Ona olsa, Onunla raz-niyaz etsə - qəlbində ümid çırağı alovlanar və sönməz.
2. Duanın insan qəlbinə ikinci təsiri budur ki, təqva nurunu icad edər. Təqva isə insanı Allaha yaxınlaşdırar. O zaman ki, insan dua üçün əllərini açar, Allahı Cəlal və Camal sifətləri ilə çağırar, həmin sifətlərin təsiri insan varlığını bürüyər və insanı Allaha tərəf sövq edər. İnsan fitri olaraq hiss edər ki, əgər duasının yerinə yetməsini istəyirsə, gərək tövbə etsin. Dua insanı tövbə etməyə təşviq edər. Nəticədə bu yolda seyr etmək insan həyatında təvqa nurunu alovlandırar.
İmam Əli (ə) Həmmama verdiyi məşhur nəsihətində təqva əhli barəsində buyurur: “Təqva əhli o kəslərdir ki, aramlıq və rahatlıq zamanı o cür haldadırlar ki, bəla və çətinlikdə də o haldadırlar”.
3. Duanın üçüncü tərbiyəvi təsiri budur ki, insan mərifət nurunu aydınlandırar. O zaman ki, insan Allaha üz tutar, Allahın hər şeyə qadir olduğunu düşünər – bu düşüncə insan mərifətinin səthini yuxarı qaldırar. Xüsusilə də əgər etdiyi dualar: “Səhifeyi-Səccadiyyə”dəndirsə, “Münacati-Şəbaniyyə”dəndirsə, “Səbah”dandırsa, “Kumeyl”dəndirsə, “Nüdbə”dəndirsə. Bu dualar İslam ürfanının ən üstün mərifətini aşılayar.
Beləliklə deyə bilərik ki, duanın üç tərbiyəvi xüsusiyyəti vardır: ümid nuru, təqva nuru və mərifət nurunu insan varlığında alovlandırar.
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın