Rəbiül-əvvəl ayının 3-cü günündə baş verən hadisələr
1. Kəbə Evinin daşa tutulması və yandırılması
Hicri təqvimi ilə 64-cü il, rəbiul-əvvəl ayının 3-cü günü, Hüseyn ibn Nəmir, əzəmətli Kəbəni mancanaqdan atılan daşlara hədəf seçdi və onu yandırdı.
Yezid ibni Müaviyə, Müslim ibni Üqbəyə belə bir məktub yazdı: “Mədinənin işini qurtarandan sonra Məkkəyə get və Əbdullah ibni Zübeyri məhv et!” Müslim Mədinə əhalisini kütləvi şəkildə qırıb mal-dövlətlərini qarət etdikdən sonra Əbdullahı qətlə yetirmək və Allah evini dağıtmaq üçün Məkkəyə yola düşdü. O məlun, yol əsnasında özündə ölüm əlamətlərini müşahidə etdi. Hüseyn ibni Nəmiri çağırıb Yezidin əmrinə əsasən ordunun sərkərdəliyini ona tapşırıb dedi: “Allahın Evi olduğuna əsla əhəmiyyət vermə. Çünki Yezidin əmrinin icrası bundan da mühümdür! Mancanaqları qurub Allah Evini dağıtmaqdan və Peyğəmbərin qohum-əqrəbasını qırmaqdan qorxma!” Bu sözləri dedikdən sonra Cəhənnəmə vasil oldu. Hüseyn Şam ordusu ilə Məkkəyə daxil oldu. Mancanaqları Məkkənin ətrafındakı “Əbu Qubeys” dağında qurub daş və yanar şölələr vasisətsi ilə Kəbəni və Məscidul-Həramı yandırdılar. (“Həvadisul-əyyam”, səh. 78)
––––––––––––––––––––––––––––––––––
2. Əbul- Ə`la Məərrinin (rəhmətullah əleyh) vəfatı
Zəmanəsinin çox güclü fitri istedada malik olan şəxsiyyəti, məharətli ədəbiyyatçı və şair Əhməd ibn Əbdullah ibn Süleyman (Əbul-əla Məərri kimi məşhurdur) 449-cu ili rəbiul-əvvəl ayının 3- cü günü vəfat edib. Deylənə görə 3-4 yaşında onun gözləri “su çiçəyi” xəstəliy nəticəsində tutulmuşdu. (“Həvadisul-əyyam”, səh. 204)
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın