Vəliyyi-Əsr (əc) saliklərin səfər yoldaşıdır

Səfərə çıxan şəxs ya yolu tanıyır, onun eniş-yoxuşlarından və təhlükəsindən xəbərdardır, ya da yolu tanımır. Yolu tanımayan müsafirin yolu getmək və məqsədinə çatmaq üçün yolu tanıyan təcrübəli bələdçiyə ehtiyacı vardır. Bələdçi onu eniş-yoxuşdan xəbərdar etməli, oradan sağ-salamat keçirməli, yolun təhlükələrini açıqlamalı, müsafiri onun həlakətindən qorumalı, nəhayət məqsədinə çatdırmalıdır.

Nurlu insanlıq və Subhan Allahın bəndəlik yolu da bu qaydadan müstəsna deyil. Peyğəmbərlər və övliyalar bu yolu tanıyır və onlar xalq üçün hidayət səfirləridir. Ona görə də Subhan Allah Öz böyük peyğəmbərini səbrə və ibadət yolunun yolçuları ilə yoldaş olmağa dəvət edir: “Səhər-axşam Rəbbinin rizasını diləyərək Ona ibadət edənlərlə birlikdə özünü səbrli apar”.[1]

Çünki salik mehriban bir bələdçinin onunla yol yoldaşı olduğunu bildikdə yolu heç bir iztirab olmadan gedir. Amma bələdçi onu məqsədinə yetişdirməsə və yalnız yolu göstərməklə kifayətlənsə, salik məqsədinə çatmayacaq, yaxud bu yolu çox çətinlik və iztirabla gedəcək.

Bu ayənin faydası həmişə diridir. Çünki ayə Peyğəmbərin (s) həqiqi və ünsürdən ibarət bədəni barədə yox, onun risaləti və hüququ şəxsiyyəti barədədir. Həzrətin zühur və hüzur dövründə bəşər həm onun ünsüri hüzurunu dərk edirdi, həm də risalət və  vilayətinin xidmətində idi. Amma indi təkcə o həzrətin rəhmət, vilayət və risalətinin sayəsinin dərk edirlər. İndi də hər kəs səhər-axşam Allahı zikr etsə, vacib və müstəhəb namazlarını, vacib və müstəhəb əməllərini yerinə yetirsə, işləri Allah üçün və halal yolda olsa, Rəsuli-əkrəm (s) və məsum imamlar (ə), habelə Vəliyyi-Əsr (əc) ilə yol yoldaşı olar.

Qeyd olunan ayənin Rəsuli-əkrəmə (ə) xitab olmasına baxmayaraq, İmam Zaman (əc) onun canişini olduğu üçün o da ayənin müxatəbidir və bu ayəyə əməl edir. Bu əsasla, İmam Zaman (əc) Allah vəchini axtaran saliklərin yol yoldaşı və bələdçisidir. Yəni onların qarşısında yol gedir və saliklər də onun ardınca gedirlər.

Bu yolun yolçusu mövlasını özü ilə birlikdə gördükdə əmin-amanlıq və rahatlıq hiss edir. İmam Zaman (ə) camiəyə bir siyasət və hökumətdə rəhbərlik etməkdən əlavə, vüsal yolunun saliklərinin də mövlasıdır və bu yolda onların önündə yol gedir, onları addım-addım irəli aparır. O, bədənlərin imamı olduğu kimi qəlblərin də imamıdır; orta və kiçik cihadın rəhbəri olduğu kimi böyük cihadın də imamıdır.[2]

Sayt və Kanalımıza abunə olmağı və paylaşmağı unutmayın!

Dostlarınızı kanalımıza dəvət etmək üçün aşağıdakı linki onlara göndərin :

https://telegram.me/az_ziaossalehin_ir