Rəbiül-əvvəl ayının 4-cü günündə baş verən hadisələr
1. Peyğəmbəri-əkrəm (səlləllahu əleyhi və alih)-in “Sur” mağarasından çıxması
Peyğəmbəri-əkrəm (səlləllahu əleyhi və alih)-in “Sur” mağarasında olduğu üç gün ərzində Əli (əleyhis-salam) gündüzlər ona baş vururdu. Üçüncü gün Peyğəmbər qərara aldı ki, Mədinəyə doğru hərəkət etsin. Gecə vaxtı hərəkət etmək üçün Əli (əleyhis-salam)-dan üç dəvə istədi. O, həzrət Əlini (əleyhis-salam) Məkkədə öz canişini təyin etdi ki, əmanətləri sahiblərinə qaytardaqdan sonra Peyğəmbərin (s) əhli-əyalını Mədinəyə çatdırsın.
Peyğəmbər (səlləllahu əleyhi və alih) rəbiul-əvvəl ayının dördüncü gecəsi mağaradan çıxdı. Məkkədən xaric olan zaman son dərəcə kədərlə Kəbəyə xitab edib buyurdu: “Ey Allahın hərəmi! Sənə nə qədər məhəbbət bəslədiyimi bircə Allah bilir. Əgər sənin əhalin məni ixrac etməsəydilər, səndən başqa heç bir şəhəri özümə (məskən) seçməzdim. Mən kədərli halda səndən ayrılıram...”
Bu zaman Cəbrəil nazil olub “Həqiqətən Quranın hökmlərini sənə vacib edən Allah səni bir daha öz yerinə qaytaracaq” ayəsini qiraət etdi. Beləliklə Allah-taala Peyğəmbərə (s) təskinlik verib buyurdu ki, yenidən bu şəhərə qayıdacaqdır. (“Həvadisul-əyyam”, səh. 79)
––––––––––––––––––––––––––––––––––
2. Şeyx Yusif Ali-Usfur Bəhraninin (rəhmətullah əleyh) vəfatı
Dahi fəqih və rəbbani alim Şeyx Yusif ibni Şeyx Əhməd Ali-Usfur Bəhrani hicri təqvimi ilə 1186-cı il, rəbiul-əvvəl ayının 4- cü günü vəfat edib. Onun şərif məzarı ustad Əkbər Vəhid Behbəhan və “Riyaz” kitabının müəllifi əzəmətli şəxsiyyət Seyid Əlinin məzarının yaxınlığında - şəhid məzarlarının aşağı tərəfində yerləşən eyvanın pak bir guşəsində dəfn olunub. Ondan çoxlu əsərlər yadigar qalıb, Məsələn, “Əl-hədaiqun-nazirə fil-əhkam”, “Əl-İtrətut-tahirə”, “Durərun-Nəcəfiyyə”, “Luluətul-Bəhreyn”, “Kəşkul”, “Səlasilul-hədid fi təqyidi İbni Əbil-Hədid”, “İnfihatul-mələkutiyyə fir-rəddi ələs-sufiyyə” və sair. (“Vəqayiul-əyyam”, səh. 205)
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın