Nəfsə pərəstişdən çəkin
İmam Sadiq (ə) buyurmuşdur:
اِحْذَرُوا اَهْوَائَكُمْ كَمَا تَحْذَرُونَ اَعْدَائَكُمْ فَلَيْسَ شَيْئٌ اَعْدَيٰ لِلرِّجَالِ مِنِ اتِّبَاعِ اَهْوَائِهِمْ وَ حَصَائِدِ اَلْسِنَتِهِمْ
“Düşmənlərinizdən çəkindiyiniz kimi, öz nəfsinizdən də çəkinin. Çünki insana nəfsi istəklərə itaət və dili ucbatından hasil olanlar kimi düşmən olanı yoxdur.”(“Səfinətul-bihar”, c.8, səh.729.)
Qısa izah
Daxili düşmənlərin xarici düşmənlərdən daha təhlükəli olmasında heç bir şübhə yoxdur. Bu səbəbdən, insanın daxilindəki nəfsi istək və meyillər onu daha çox təsir altına sala və xoşagəlməz nəticələrin yaranmasına gətirib çıxara bilər.
Nəticədə, nəfsin insan üçün ən təhlükəli düşmən hesab edildiyini söyləyə bilirik. Nəfsə pərəstiş insanın gözünü kor, qulağını kar edir, əqlin nurunu aradan aparır, həqiqətlərin simasını onun nəzərində fərqli şəkildə cilvələndirir və nəhayət, insanı fəsad uçurumuna tərəf sürükləyir.
Eyni zamanda, əgər insan dilinə yiyəlik etməzsə və onu sərbəst buraxarsa, dil qarşısına çıxan hər kəsi sancan ilana çevrilər və insan üçün böyük problemlərin yaranmasına yol açar.
Sayt və Kanalımıza abunə olmağı və paylaşmağı unutmayın!
Dostlarınızı kanalımıza dəvət etmək üçün aşağıdakı linki onlara göndərin :
Şərh yazın