Allahın adı ilə!

Allah-taala Öz müqəddəs kitabında Əhli-Beytin (ə) məhəbbətini bütün bəşəriyyətə vacib edərək belə buyurmuşdur: 
"De: "Sizdən bunun (ilahi tapşırıqların çatdırılmasının) müqabilində yaxınlarım (Əhli-Beytim) barəsində (qəlb və əməldə olan) məhəbbətdən başqa bir muzd istəmirəm". (“Şura” surəsi, 23-cü ayə)
Allah bütün dinin müqabilində bizdən yalnız əvəz və əcr olaraq Əhli-Beytə (ə) məhəbbət istəmişdir. Əgər bu məhəbbət olmasa, Allah-taala bəndələrdən heç bir ibadət və itaəti qəbul etməz. Deməli, bizim ibadət və itaətlərimizi Allah yanında dəyərli edən yalnız o həzrətlərə olan məhəbbətdir. Əlbəttə ki, insan tanımadığı bir şəxsi sevə bilməz. Buna görə də, qeyd olunan ayədə Allahın bizdən ilk olaraq istədiyi budur ki, Əhli-Beyti (ə) tanıyaq və sonra məhəbbət bəsləyək. Necə ki, Peyğəmbər (s) də belə buyurmuşdur: 

مَنْ مَاتَ لَا يَعْرِفُ إِمَامَهُ مَاتَ مِيتَةً جَاهِلِيَّةً.

"Kim imamını tanımadan ölərsə, cahiliyyət ölümü ilə ölmüşdür". 
(“Əl-Məhasin”, cild 1, səh 92)

Habelə, İmam Rza (ə) buyurmuşdur: 

مَنْ مَاتَ لَا يَعْرِفُهُمْ وَ لَا يَتَوَلَّاهُمْ بِأَسْمَائِهِمْ وَ أَسْمَاءِ آبَائِهِمْ مَاتَ مِيتَةً جَاهِلِيَّةً.

"Kim onların vilayətlərini, adlarını və atalarının adlarını tanımadan ölərsə, cahiliyyət ölümü ilə ölmüşdür".
(“Tuhəful-Uqul”, səh 416)

Bu mübarək hədislərə əsasən, on iki imamı tanımaq hər bir müsəlmana vacibdir.
Mərhum Şeyx Müfidin qələmə aldığı şərafətli "Əl-İrşad" kitabının yazılmasında məqsəd - on iki imamı tanıtmaqdır. O, kitabının müqəddiməsində öz məqsədini belə açıqlayır:
"Allahın yardımı ilə bu kitabda hidayət yolu olan İmamların  (ə) adlarını, onların həyatını, şəhid olduğu məkanları, övladlarının adlarını və fəzilətlərini bəyan edəcəyik. Bu bəyan onları daha yaxından tanımağa, həyat yollarından xəbərdar olmağa kömək edəcək və müxtəlif əqidələrin onlar haqqında dediyi fikirlər arasında fərq qoymağa yardımçı olacaq. Onlar barədə həqiqətləri şübhələrdən ayırmaqda insaflı, dindar və haqqa söykənən insanların rəvayət etdiyi hədislərlə tanış olacaqsınız".

Arqumentler